Plantun de Prouvènço

Pèr coumpara dos planto d'encò nostre

Chara aspera & Vicia angustifolia

Chara aspera

Characeae

Noms en français : Chara rugeuse, Charagne.

Descripcioun :
Li grato soun d'augo que trachisson dins lis aigo lindo e cauquiero. Aquesto, pulèu coumuno en Camargo, èi cuberto de pichot pougnoun (aciculo). Lis anteridìo aranjo se vèson bèn sus li pèd mascle. Es uno meno de l'an que disparèis à l'autouno.

Usanço :
Couneissèn pas d'usanço pèr l'ome. Li canard e fóuco la manjon d'aise.

Port : Erbo
Taio : 10 à 40 cm
Fueio : filouïdo
Tipe bioulougico : Idroufite
Cicle bioulougico : Planto de l'an

Gènre : Chara
Famiho : Characeae

Coulour de la flour :
Petalo : ges de flour
Ø (o loungour) flour : ges de flour
Flourido : Printèms - Estiéu

Sòu : Ca
Autour basso e auto : 0 à 10 m
Aparado : Noun
Remarco : Augo
Abriéu à juliet

Liò : Aigo - Palun - Limas
Estànci : Termoumediterran à Mesoumediterran
Couroulougi : Cousmoupoulito
Ref. sc. : Chara aspera Willd., 1809

Vesso(-di-fuioun-estré)

Vicia angustifolia

Fabaceae Leguminosae

Nom en français : Vesce à feuilles étroites.

Descripcioun :
Aquesto vesso, proche de Vicia sativa, trachis dins li relarg séusous de Prouvènço. Se destrìo de la vesso cultivado que li fueioun soun proun estré, subretout aquéli d'en aut de la planto. La flour èi bèn acoulourido peréu.

Usanço :
La flour èi manjadisso, mai coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).